يـــــا بنـــــات.. بطلوا هبــــــل

"أحسن حاجة فى الواد ده.. عيونه"
"بيقول إن معجب بيها"

يـــــا بنـــــات.. بطلوا هبــــــل Small2200913113047

ليه اكتر البنات مش فاهمة إنها بتتبعت

"بيحبنى.. مبيحبنيش.. لاء لاء بيحبنى ....يوووه.. أنا بحبه ده المهم"
"اثقلى على الرز.. بس متخلهويش يتحرق"

جمل كثيرة بنقولها فى سرنا، أو حتى لأقرب الناس لينا، فأى فتاة فى العالم حينما تقع تحت مسمى الحب تجد نفسها ترتكب حماقات كثيرة وهى لا تشعر بذلك، أو تشعر وبتستهبل، وعندما تفوق من هذه الحماقات التى ترتكبها تقول "أصل مرايا الحب عمياء" ونحن نصلح لك هذه المقولة، فمرايا الحب تعنى الإحساس الذى يتدفق بدون حدود وليس التصرفات التى يرفعون شعارها تحت مسمى "بحبه يا بابا".
لذلك إتخذى لنفسك شعارا آخر غير ذلك، فهذه الحماقات أو دعينا نقول مجازا تصرفاتك تكون مفهومة من ناحية الشباب.

"بص إحنا نرتبط نص نص.. يعنى مش ارتباط أوى" هذه هى الجملة التى تتفق عليها نصف بنات مصر لأنهن "بيموتوا علشان يرتبطوا"، ولكن الخوف من غدر الرجال يجعلهن يفكرن مليون مرة قبل التقدم بخطوة فى مشروع الارتباط، فما العمل فى تلك الحالة؟.. هو أن تقول له "أنت زى أخويا" مع أنها تعلم "أنه عمره ما هيكون أخوها"، والمشكلة أن روميو بيكون "فاهم اللى فيها" ولكنه "بيعيش اللحظة معاها".
"ظل راجل ولا ظل حيطة"، نعم مازال هذا المثل تتمسك به العديد من بناتنا الحلوين اللاتى يرضين بأى "راجل والسلام"، لأن زميلاتها فى الكلية مرتبطات، فكيف هى لا تكون مرتبطة؟ وتبدأ فى محاولات التخطيط والرسم لخطط محكمة لجعل أى شاب يقع فى حبها ويستجيب الشاب لخططتها ليس حبا فيها ولكن "لأنها صعبانة عليه".
كروت الشحن.. هو أول مطب تقع فيه الفتاه الموهومة بالحب هو الصرف على كروت الشحن "علشان تكلم روميو"، مع العلم أنه لا يدفع أى قرش ليكلمها، ولكن هى من تسارع فى سماع صوته وهو مثل عنتر زمانه لا يحرك محفظته بقرش واحد.
دباديب.. دباديب.. فتجد أن الفتاة تأتى بدبوب وتنقش عليه أول حرف من اسمها واسم "سى روميو" بـ "الجليتور" الخاص بها، ليكون هذا الدبدوب علامة مسجلة لحبهما كما يحدث فى الأفلام، مع العلم أنها هى من تدفع ثمن الدبدوب والجليتر وكل شئ، وهو "يأخذه على الجاهز".
"أختى عايزة تشوف صورتك يا حبيبتى، أصل أنا بحكيلها كثير عنك" ويبدأ الشاب فى المراوغات حتى يحصل على الصورة الشخصية لـ جوليت اللى نايمة فى العسل وتعطيها له بحسن نية، ولا تعرف ما الذى يخطط له، فهل فكرت جوليت إذا لم تكمل مع حبيبها ما هو مصير هذه الصورة؟؟.. هل سيتخذها وسيلة للانتقام منها؟؟؟ أم سيضمها إلى موسوعته فى "حب البنات"؟؟
"أنا مفطرتش.. مستنيكى"، وإذا بهذا الكلمات هى مفتاح سر محفظتك فتظهر له أنك "البت الشهمة الجدعة" وتقولى له "ثوانى يا حبيبى" وإذ بك تجرين لكى تشترى الفطار له، وهذه العملية لا نعيب عليك بها فأنتما الاثنان محفظتكوا واحدة "واللى فى جيبك نفس اللى فى جيبه"، ولكن كل هذا بعد الزواج. ومع تكرار هذه العملية معك باستمرار، فدعينا نقول لك يا جوليت "أنك بتُستغلى منه فاهمانى؟؟؟؟؟" .

صح ياكناريا مافيش ثقة فى حد صصصصصصصصصصصصصح

موضوع بالفعل جميل يا كناريا

بس ده مش هبل ولا حاجة ده اسمه حب والحب عمره ما كان هبل وكمان الانسان اللي بيحب

من كل قلبه بجد عمره ما بيفكر قبل ما يعمل اى حاجه عشان حبيبه وكمان بيموت نفسه عشان

بس يسمع صوت حبيبه خاصة لو مسمعش صوته يوم واحد من غير ما يعرف السبب .

وبالنسبة لموضوع مخفيش ثقة يا حياة الروح فالانسان اللى مش عنده ثقة ده انسان مريض

مش سليم لان الانسان اللى مش عنده ثقة لا عمره هيحب ولا يتحب ولا هيعمل اصدقاء ولا

هيصاحب حد لانه هيكون مليان شكوك ومش هيأمن لحد ابدا .

عزيزتي كناريا / اختى حياة الروح

الحب ده احساس , واكيد في ناس بنات وشباب مش بنات بس بيحسوا ويثقوا في حد ويطلع

احساسهم غلط بس مش معني كده ان الناس كلها وحشة ولا كله زي بعضه , هو نصيبهم كده

بس المهم يتعلموا من اللى حصلهم ومش معني كده انهم يبعدوا عن الحب لان الانسان اللى

بيحب بيعمل اى شئ عشان حبيبه من غير تفكير فبدل ما البنت الهابلة زي ما كلامكم بيقول

تجرى تشحن وتتصل بيه لا اتقلي شوية وشوفيه لو انتى وحشتيه وهو بيحبك هيتصل بيكي

قالك انه جعان ومستنيكي قوليله وك يلا بينا نتاكل سوا يا حبيبي وروحوا هاتوا اكل سوا واكيد

لو هو بيحبك مش هيقبل انك تطلعي فلوس من شنطتك وهو واقف يتفرج . في حاجات كتير

عاقلة تخليلكي تتأكدى انه بيحبك يا هابلة

شكرا أخواتى وارجوا المعذرة علي الاطالة

كناريا تقبلي مرورى / حياة الروح تقبلي كلامي

ومحدش يزعل وياريت قريب اقرأ ردكم

هههههههههههههههه

بجد حاجه فظيعه انا زوجى حبينا بعض سنتين عمر ما كان فى فرق

انا ادفع هو يدفع مفيش مشكله

لكن فى حكايه الثقه مفيش ثقه ازاى تثق فى حد انت ماتعرفوش

افرض عرفته وحبيته وعشان انت وثقت فيه يعمل فيك حاجات وحشه

عدم الثقه مش مرض ولا حاجه بس الزمن دى مبقاش فيه ثقه

لان زى منت شايف فى البلد دى انا بخاف اسيب بنتى مع جرتى

ودى مش عدم ثقه ولا حاجه دى خوف على بنتى لحسان تعمل فيها حاجه

وكفايه لحد كدا عشان هقوم اشوف زوجى حبيبى

وصل الشغل ولا لا ثوانى وهرجع تانى

» عيد ميلاد سعيد يـــــا Sad Bird