الحب & الحب & الحب

ازيكم يا اجمل شباب منورين المنتدى والله النهارده بقى اصحابى عاوز اكلم شوية
اه على فكرة انا عارف ان عنوان موضوعى نفس عنوان موضوع سابق لمشرفتنا الجميلة مشرفة قسم فضفضة اللى انا فيه دلوقت الجميلة RoRo بس عادى وياريت متزعلش منى لانى اخدت عنوانها المهم بقى يا اصحاب عاوز كل واحد ينور صفحتى ويرد على موضوعى يقولى رأيه ايه فى الحب والحب بالنسبة له ايه وياترى هو بيحب ولا مش بيحب ولو كان بيحب ياريت يقولنا الحب غيره ولا لاء ولو غيره غيره للافضل ولا للـ....... والمفيد عاوزين نعرف الحب بغير البنى ادم ولا مش بغير اقصد يعنى الواحد مننا قبل ما يحب كان عايش ازاى وبعد ما حب عاش ازاى

وعلى فكرة دى كلها مقدمة لموضوعى اللى هو اصلا اقل من المقدمة دى
الموضوع بقى انى انا قبل ما احب كنت حاجة وبعد ما حبيت بقيت حاجة اكيد مش فاهمين قصدى افهمكوا انا قبل ما احب حبيبة قلبى كنت عايش من الشغل للبيت لاصحابى المهم عايش اقضى وقت وخلاص عشان الوقت يمشى عايش كل يوم زى اليوم اللى قبله مفيش اختلاف لما كنت بمل واتحنق من الايام اللى كلها شبه بعضيها دى بس الحمدلله مكنتش برده بعمل حاجة غلط زى ما فى شباب بتعمل والمهم عندهم انهم يقضوا ايامهم حلال حرام مش مهم
بس تعرفوا وبجد لما وقعت فى اللى اسمه الحب ده ومن غير سابق انذار لاقيت نفسى كده عايش فى احساس تانى خالص احساس محستهوش من قبل كده نهائى احساسى ده خلانى بجد يا جماعه اعيش بجد افهم معنى الحياة والاقيلها طعم وعلى فكرة الحياة لما يكون فيها حب بتكون جميلة بجد
عارفين زى ما قلت ليكم الاول كنت عايش كده وخلاص بس دلوقتى لا الوضع اختلف نهائى دلوقت حاسس انى عايش عشان هدف محدد واول حاجة فى الهدف هو حبى وتانى حاجة حبيبتى وتالت ورابع وعاشر وكل حاجة بعد كده ان حبيبتى وروح قلبى تكون من نصيبى وبين ايديا ديما وعلى فكرة لو فى حد هنا مش معترف بالكلام ده او مش مصدق عاوز اقوله كلمة واحده الحب اجمل حاجه فى الحياة لان الحياة من غير حب مش حياة واكيد لما تحب هتعرف ومتقولشانك مش هتحب لانى والله كنت بقول كده
وخدوا بالكوا يا جماعه ان الحب مش بيستأذن من حد عشان يخش قلبه ولا بيجى يقولك ها تحب دى ولا لاء دا انت هتلاقى نفسك فى لحظة بتقول ياناس ياعالم انا بحب
المهم ونهاية كلامى الحب بجد جميل والاجمل انك تحب اللى تستاهل حبك وانت فعلا هتحس بطعم تانى للحياة افضل كمان من طعم البرتقال وزي ما بيقولوا اسأل مجرب وانا الحمدلله جربت وحبيت ومش هاقول اكتر من ربنا يخلى ليا حبيبتى وروح قلبى
وادعولنا يا جماعه ربنا يجمعنا مع بعض على خير

اللهم ااااااااامين

بجد موضوع اكثر من رائع وياااااااااااااااااااااااااااااااارب يجمعكم مع بعض على الف خير

وربنا يوفقكم يااااااااااااااارب

شكرا لمرورك وتقبل الله منك هذا الدعاء

بجد موضوع جميل جدا انا قرات مقوله بتقول الانسان لما بيحب بيحب كل حاجه حواليه وبيستمتع بالحياه مش بس كده كمان احساسه بيعلى وبيرتقى بجد ربنا يجمعكم على خير

الحب & الحب & الحب 539463

SHOKRN LIKE YA GEROOH ,RABNA YTQBL MENK

BAS ELMOHM ELDA3WA TEKON MEN 2ALBEK

» تعالوا نشوف ايه هو الحب ومعنى الحب وماذا اقلوا عن الحب
» على قد ما الحب جميل & على قد ما الحب متعب للغاية
» الحب * الحب * الحب
» الحب الاول وهم او حقيقه ؟!!! وهل ذكرياتنا مع الحب الاول تعتبر خيانه ام لا !!!!!
» وصف الحب