مــــنتدى كلـــــــمة



 
الرئيسيةالرئيسية  قمة الحب & LoVeقمة الحب & LoVe  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

الدكتورة أميرة
أميرة حبية خالوا
يوسف حبيب خالوا
محمد حبيب عمته حبيبة

سما حبيبة عمو


شاطر | 
 

 اجمل الافكار لاجمل الهديا في عيد الحب

اذهب الى الأسفل 
كاتب الموضوعرسالة
Admin
مـــدير المنتـــــدى
مـــدير المنتـــــدى
avatar

عدد المساهمات : 825
تاريخ التسجيل : 03/04/2009

مُساهمةموضوع: اجمل الافكار لاجمل الهديا في عيد الحب   الأحد 14 فبراير 2010, 3:55 am




مفاجأة الموسم::اكبر موسوعة افكار لهدايا الفلانتين**كل اللى بتحلم بيه .. اكيد هتلاقيه هنا وبس**

علي في ناس هتقولي اهتستغرب انا عامل الموضوع ده هنا ليه وليه ونزلتهوش في قسم الحب
هقولكم السبب لان ده قسم الشباب والبنات يعني الولد وال بنت يعني الحبيب والحبيبة وانتم عارفين
الباقي ولا اكمل المهم وكمان الموضوع مش بيحكي قصة حب ولا قصيدة شعر والموضوع

ده معمول اه عشان الحبايب والعشاق ** اللي هما الولد والبنت
يلا عاوز اشوف ردودكم

الاحلى دايما انك تجيب لحبيبك هديه ولو حتى حاجه رمزيه جدا من غير مناسبه يعنى مش لازم مناسبه او عيد او حاجه تجيبيله عشانها هدية لا وقت ماتلاقي حاجه حلوة تعجبه تجيبيهاله هدية على طول ده احلى وهيقرب منكم كتير وهتلاقي الجو اختلف للاحلى طبعا مابينكم


أولا الدباديب:




1- دبدوب احمر ووردة حمرا وقلب احمر تتلف بطريقة شيك فى سلة او بوكس احمر متغلف بفرو احمر وعليه شريط ابيض
2- دبدوب وملبسه سلسله وحط مثلا خاتم أو حلق فى علبة وحطها بين ايدين الدبدوب حركة رووووووووووووعة
3- دبدوب أو أرنوب حاضن ازازة برفيوم شيك من النوع اللى بتحبه او اللى بيحبه
4- دباديب بتنور و تطفى و تقول اى لاف يو
5- شموع معطرة وورد وقلوب وبالونات هيليوم كتيرة على شكل قلوب
6- قلب ومعاه علبة شوكولاتة من النوع اللى بتحبه مثلا galaxy




ثانيا بوكية الورد:




1- بوكيه الورد اساسى فى الفلانتين هات على الاقل وردة واحدة حمراء
2- بوكية ورد شيك بلدى وفنصفة وردة صناعى وياريت يكون لونو ابيض او احمر وهات مع الورد شيكولاتة لإن فعلا الناس اللي بتفهم بس هي اللي بتجيب في الفالنتين شيكولاته
3- بوكية ورد كبير وتبعته على البيت من غير كارت ولا حاجة وتعمل قبلها انك ناسى
4- تورتايه على شكل قلب وحط فيها صورتها واكتبلها بحبك مع بوكية ورد شيك
5- ورده حمرا ..فيها جهاز تسجيل جواها مخفي..بتسجل عليه بصوتك اي حاجه عايز تقولها أو أغنية مثلا




ثالثا علبه ميكياج فاخرة ماركة كريستان ديور او شانيل:





1-عروسة كبيرة جدا أو أرنوب أبيض لابس اللون اللي بتحبه ممكن تبدلها بمجموعة حلوة من إيفون اسمها برسيف أكتر من رائعة وناعمة وهتعجبك انت شخصيا واي بنت بتحبها عبارة عن برفيوم وكريم جسم وديودرنت وحطهم في السبت مع الورد الأحمر او هات فاراواي من شركة أوريفليم بردو رووووووووووووووعة وكل البنات بتحبها بس لازم يكون المكياج يناسب نوعية بشرتها والالوان تتماشى مع عيونها وشعرها ونوعية ملابسها ويناسب لون بشرتها فيه انواع بودره سائبه او مضغوطه وفيه سائل وكريمى ولازم تعرف بشرتها حساسه او عاديه او مختلط ونصيحه متحاولش تاخذ بودره او اساس لان هي لازم اللي تختارها بنفسها و لو اختارتلها الوان المكياج و المانكيير حتى لو هى مش بتحب لون معين و انت شايف انة حلو اكتبلها نفسي اشوفة اللون دة و انتى حاطاه و ممكن جداا تشترى مجلة ازياء او مجلة مكياج الى هى بتكون كتالوج كبير دى برضوا حاجات بتحبها البنات

2- حقيبة فاخرة " جلد " ، بداخلها أطقم مكياج من ماركة عالمية ، أو بها عطور فرنسية + اللوشن + الشور جل + التونر
3- ممكن تجيبلها مجموعة كاملة من ادوات المايك اب و العناية بالبشرة و الشعر من مزايا بس تجيبلها كل حاجة ممكن تتخيلها و طبعا تكون ماركات معروفة و كويسة
4- شنطة ميك اب &شاورجيل&برفيوم
5- ممكن تشتري مجموعة لوشنات وكريمات مع البرفنات بتاعتهم وتحطهم فى سلة حلووة وتغلفهم بطريقة كويسة هيبقى شكلهم تحفة وتجيب بالونات الغاز الي بيبعوها فى الملاهي او المولات الي لو فكيتهاه تطييير فوق حطها فالبوكس واقفله وحط عليه شريطه
واول ما تفتح بوكس الهديه تطير البالونات حركه رووووووعه وبعدها تشوف هديتها والحاجات بتاعة العناية بالجسم والكريمات دى اى بنت بتحبها
6- برفان..بس انصحك تجيب حاجة حديثة ومن الحاجات اللى ليها اعلانات مشهورة ومش متعودة عليها واحسن مكان تجيب منه هو palais des parfums وهو زى mazaya بالضبط بس بيبقى فيه عادة sale وموجود فى city star
7- وفى تشكيلة حلوة اووى للبرفانات بتتلف بطريقة خاصة للفالنتين





رابعا الحيوانات الأليفة :




1- قطة شيرازى بيضاء مون فيس او هيمالايا ذكر عنيه زرقاء فى سن 50 يوم ومتنساش تكشف عليه وانصحك متشتريهوش من اى محل عادى ودور فى اعلانات الوسيط واكتب على طوق الرقبه للقطه اسمك او اسمها او الأتنين
وقولها ساعتها إنها رمز لوجودك معاها ولكونك بتحرسها في كل حته
2- ممكن تجيب سلحفاة هدية بيبقى شكلها جميل اوووووى
3- حوض سمك كويس + الاكسسوارات اللي فيه + جهاز تجديد الاكسجين + الاسماك نفسها ممكن كمان تخلى حد بتاع زجاج يحفر عليها حرف او اسم او قلب مثلن ودى هيكون منظرها حلووفى بيبقى محفورعليها زرع وورق شجر ومش بيخبى منظر السمك لان الحفر بيكون شفاف برضو
4- عصفوران فى قفص فورفورجيه او بغبغاء بيتكلم ويقول
i love u




خامسا الفضيات:




1-سلسلة فضة.. خاتم.. انسيال.. اسورة.. دبله.. حلق.. عقد.. اية قرانيه.. حرف فضة .. لاف مقسومة نصفين.. صورة بالليزر على الفضة.. قلب فضة.. حرف ذهب صينى واحسن مكان تجيب منه طبعا هو ميدان الجامع وخصوصا المحلات للى على صف جاد هناك ولف كتير عشان تعرف الاسعار والحاجات الحديثة والموضة وحاول لو جبت سلسلة انك تعمل الدلاية فيها حاجة خاصة بيكم زى حرف من اسمك واسمها او صورة,بس اهم حاجة تعرف هى بتحب الذهب الابيض ولا الاصفر,,لو مش عارف هات مخلط
2- ميداليه بس تكون معموله مخصوص للشخص ده مكتوب عليها اسمه ممكن تعمل واحده فيها اسمكم انتوا الاتنين ويكون بخط او بشكل معين بحيث الاسمين يكونوا متداخلين في بعض ودى بجد تحفه وممكن تحط صورتكوا انتوا الاتنين جواها وتبقى حلوة اوى وهتلاقيها فى محل اسمه je tam ف جنينة مول الدور الاول متخصص ف بيع الاكسسورات اللى من النوع ده وسعرها حلو بتختلف من حيث المقاس يعنى هتلاقى مثلا فى حدود 35 جنيه وانت طالع
3- وبيبقي فيه ميداليات علي شكل قلب مقسوم نصين انتي تاخدي نص وهو نص بتبقي جامده اخر حاجه





سادسا الكريستالات:




1- فى محلات بتكتب اسامى على قلوب ازاز وفيها سائل احمر بتبقى حلوة اوى ممكن تعملى حاجه زى كده وتحطها فى بوكس ومعاها ورده حمرا او ممكن تطبعوا صورتكم او تكتبوا اسمكم على مخده او مجين ويكون لونها احمر وتاخدى انتى واحد وهو واحد والحاجات دي موجودة كتير وحلوة اوي ومش غالية سعرها كويس تخيل تنام على حاجة بتاعة حبيبك قمة الرومانسية أوممكن تطبع صورتك وصورتها على تى شيرت.. ميدالية.. عطر.. قلوب حب.. حوض سمك..براوز خشب عليه خيوط.. كوباية.. دبدوب عند محل في سيتي ستارز فى الدور الاول جنب سيف ستورز في الدور بتاع سبينز
2- الاسم مكتوب بالكريستال في علبه قطيفه متفرغه على شكل الاسم برضو (ممكن تعملها في كريستال عصفور) وهيبقى شكلها تحفه
3- ممكن تروح لمكتب طباعة وكمبيوتر وتكتب اسمها بطريقة شيك جدا وفيها الوان بناتى كتير اوى واطبعها على مخدة بصراحة هتبقى جميلة اوى وهتفرح بيها جدا وممكن تحطها فى اوضتها زينة وبيبقى شكلها حلو اووى
4- برواز كريستال عليه صورتك وصورتها او لوحة مرسومة باليد فيها صورتكم او كريستاله عليها اسمك واسمها او حرفها او صورتها او صورة ليكم انتوا الاتنين فمحلات فسيتى ستارز
5- ممكن برواز من الكريستال عليه صورتك وصورتها اوممكن تودى صورتها لحد يرسمهالك لوحة فنيه و تبروزها و بتبقى حلوه اوووووى بجد وممكن لو معاكى صورة ليها تعملها عند اى حد بيرسم بالفحم او الفخار او رسم يدوى او رسم على الزجاج
6- ممكن تجيب كريستالة وتطبع عليها بليزر صورتكو او كلام تحب تقولهولها والكريستالة بتكون صغيرة نوعا ما يعنى ممكن تتعمل مع ميدالية فضة او تجيبى تي شرت شيك بس سادة وتطبعى علية باليزر صوركو مثلا او مجات وتطبعى عليها صوركو بردو او كلام تحب تقوله ومكان الحاجات دى فى سنتر مدينة نصر
7- ممكن بقى تجيبي كريستاله صغيره من عند كريستال عصفور او اى فرع ليه او حتى تجيبي ميداليه فضه وتركيبيلها الكريستاله او تشتريها جاهزة ميداليه بكريستاله مدورة وتروحى سيتي سنتر بتاع مكرم عبيد الدور الاخير في واحد بيكتب على الكريستال والازاز والبلاستيك والخشب يكتبلك اللى تحبيه اساميكم مع بعض او صوركم او اول حروف اسميكم او تاريخ ارتباطكم او كلام حب كده
8- وفى براويز حلوة اوي ممكن تكتبي علي الصورة نفسه او الفرام بتاعة من برة او الزجاج وتعملي حركات بئة وتكتبي الي انتي عيزاة مش هقولكم انا بئة زبطوا وفي براويز حلوه اوي ممكن تجيبيله واحد وتحطي فيه صورتك
9- شموع بردة ممكن يتكتب عليها الاسم وموجودة كتير
10- وفى بوكسات حطي فيها حاجات كتيييير وصغنتوتة وبتبئة جامدة موت





سابعا message in bottel





رسالة ملفوفة كدة فى ازازة و جواها قولب حمرة صغيرة صغيرة كتير و غطا الازازة خشب و نازل منو سلسة في اخرها قلب احمر صغير
أو ممكن تروحى لمحل هدايا تخليه يكتب اسمك و اسمه فى إزازة بطريقة ظريفة و مع الإزازة بقى ممكن تجيبى حاجة تانية حسب الفلوس
واهم حاجه تلفي الهديه لافه جامده عشان تديها شكل حلو وممكن تودي الهديه لحد يلفهالك بتول لونه احمر رومانسي كده ويكتبلك عليها بالرش اول حرفين من اساميكم وتجيبي ورده طبيعيه وتحاولي تحطيها عاللفه وتلزقيها يعني وتشبكي فيها كارت مكتوب فيه كلمه رومانتك وعلي فكره في كروت ملفوفه برضو بتول وفيونكه لذيذه اوي وماتنسيش البرفيوم بتاعك لازم تحطيه عالهديه وكتير كمان عشان يحسك جمبه وهو لابسه





ثامنا بوكس الهدايا




1- هات box كبير وهات حاجات كتيرة وحطها فى البوكس ده اى حاجة زى شوكولاته مثلا,دبدوب,ماديليه,كارت شحن,بارفان,حزام,شمع نظارة شمس ميدالية على شكل قلب, حرفها ,اسمها سلسلة بتاعة من للى بتتعلق فالموبايل دى محفظة , dvd فيلم رومانسى.شريط كاسيت,اكسسوارات حريمى, افتحلها دفتر توفير ,جنيه دهب شهادات استثمار وهكذا.... تخيل حيبقى مليان قد ليه وحتفرح قد ايه..بس طبعا املاه بكل حاجة ممكن تيجى على بالك
2- ممكن بوكس هدايا حلو تنثري فيه حلوياث وورود مجففه إكسسوارات(ميداليه بأول حرف من الاسم -إسواره-ميداليه للمفاتيح-عقد.......)
3- وممكن تشترى بوكسات بأحجام مختلفه وكل بوكس تحط جواه هديه
4- هقول لك على حاجة اعملها فى اى مناسبة عشان تفرح حبيبتك بس مش مناسبة لعيد ميلاد خدها مكان زى كارفور مثلا وخليها تجيب اللى هى عايزاه .. هات لها كل اللى بتحبه من شوكولاتات على شيبسى على عصير على ايس كريم ان شا الله سيريلاك و كورن فليكس ووالله انا لسه بحب اجيب الحاجات دى عشان بحب طعمها..وفيمتو و سبراى و زيوت للشعر..حتتكلف بس شوية بس حسب امكانياتك هات.يا اخى دلعها لو انت مدلعتهاش مين حيدلعها
5- ممكن تجيبلها علبة صدف دى هتلاقيها فى اى بازار وممكن تحط جواها ميدالية فضة على حرف اسمك يعنى تبقى جوا العلبة وهتنفعها بعد كدة ممكن تشيل فيها الدهب بتاعها وكدة
6- طبق كبير حوض كده وجواه ميا لونها موف بمبه كده وعلى وشها ورد جايباه بردو لواحده وهى فواحه يعنى الورد ده اصلا شمع




تاسعا: هدايا أخرى :


1-لو هى بتحب الموسيقى اوى هات الة موسيقية جيتار بس لازم تكون بتعرف او بيانو اورج
2- محفظه جلد طبيعى وتكتب اسمها جواها من كوتش او جفنشي
3-مج شكله مميز وتكتب عليه اسمك واسمها وبينهم قلب
4-مصحف فضة عليه اسمها او حرفها شكله مختلف فى علبة مرصعة فضة وده تمنه يتراوح بين 250 و 300وبيبقى شيك وقيم موت وشكله اغلى من تمنه بكتييييير
5-طقم شيك شنطة وشوزلون واحد وحزام ويفضل يكونوا سواريه او فستان سوارية
6-طقم اقلام فخم
7-كرافيت شيك او scarfشيك وانصحك تتابع الموضة فيها قبل ما تشترى مع حزام جلد كلاسيك
8-بوك عليه كلمات حب بالحرق
9-لو بيدخن ممكن تجيبله علبة سجاير فضة او عادية مع ولاعة شيك
10-نظارة شمس اصليه ray ban
11-اىبود 30جيجا فلاشة وتحط عليها كل صوركم ام بى ثرى ميمورى سماعات بلوتوث
12-سى دى اغانى مع البوم صور ليكم
13-ميدالية مفاتيح فضة مكتوب عليها فالله خير حافظا
14-تى شيرت نفس الشكل ليك وليها
15-ساعة وتحفر من وراها اسمها
16-شوكولاتة كبيرة جدا وحتلاقيها فى ال
الرجوع الى أعلى الصفحة اذهب الى الأسفل
http://kelma.mam9.com
كناريا
نائب المدير
نائب المدير
avatar

كيف تعرفت علينا : صديق & صديقه
نائب المدير
عدد المساهمات : 628
تاريخ التسجيل : 03/04/2009

مُساهمةموضوع: رد: اجمل الافكار لاجمل الهديا في عيد الحب   الأحد 28 فبراير 2010, 7:03 pm


اللــــــــــــــــــه عليــــــــــــــــــك
الرجوع الى أعلى الصفحة اذهب الى الأسفل
ahmed elmasry
عضو جديد
عضو جديد
avatar

كيف تعرفت علينا : صديق & صديقه
مزاجك : رايق
عدد المساهمات : 4
تاريخ التسجيل : 06/08/2010

مُساهمةموضوع: رد: اجمل الافكار لاجمل الهديا في عيد الحب   الجمعة 06 أغسطس 2010, 3:45 am

بجد نايس بس اصرف يا اخويا اصرف ههههههههههههههههههههههه
الرجوع الى أعلى الصفحة اذهب الى الأسفل
Admin
مـــدير المنتـــــدى
مـــدير المنتـــــدى
avatar

عدد المساهمات : 825
تاريخ التسجيل : 03/04/2009

مُساهمةموضوع: رد: اجمل الافكار لاجمل الهديا في عيد الحب   الأحد 08 أغسطس 2010, 6:14 am

ماشي يا ياعم يا مصري

وعلي فكرة الواحدة بيبقي نفسه يعمل اي حاجة عشان يحس انه بيسعد انسان بيحبه
يعني لا لافلوس ولا الهدايا تعبر عن اي شئ ولا تساوي اي حاجة لما بس تشوف السعادة
في عيونك حبيبك أو حبيبتك ( المهم انه ميطلعش في الأخر حلم او وهم )
الرجوع الى أعلى الصفحة اذهب الى الأسفل
http://kelma.mam9.com
Lord Miz
عضو جديد
عضو جديد


كيف تعرفت علينا : صديق & صديقه
مزاجك : رايق
عدد المساهمات : 22
تاريخ التسجيل : 23/04/2012

مُساهمةموضوع: رد: اجمل الافكار لاجمل الهديا في عيد الحب   الثلاثاء 24 أبريل 2012, 11:13 am

ثااااااااااااااااااااااانكس
الرجوع الى أعلى الصفحة اذهب الى الأسفل
https://www.facebook.com/
 
اجمل الافكار لاجمل الهديا في عيد الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــــنتدى كلـــــــمة :: المنتديات العامة :: شبــ و بنات ــاب......GuYs AnD GaLs-
انتقل الى: