مــــنتدى كلـــــــمة



 
الرئيسيةالرئيسية  قمة الحب & LoVeقمة الحب & LoVe  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  

الدكتورة أميرة
أميرة حبية خالوا
يوسف حبيب خالوا
محمد حبيب عمته حبيبة

سما حبيبة عمو


شاطر | 
 

 اوعي تقعد جنب جدتك لو عندك امتحان

اذهب الى الأسفل 
كاتب الموضوعرسالة
كناريا
نائب المدير
نائب المدير
avatar

كيف تعرفت علينا : صديق & صديقه
نائب المدير
عدد المساهمات : 628
تاريخ التسجيل : 03/04/2009

مُساهمةموضوع: اوعي تقعد جنب جدتك لو عندك امتحان   الأحد 18 أكتوبر 2009, 1:25 pm

الله أكبر الله أكبر .. أذان الظهر ..

يارب .. يارب بحق ده الآذان تنجح يا نون ياابن ابني وأشوفك دكتور أد الدنيا -


ياستي بس انا في تجارة -

وماله يابني هو يكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -

جدي إيه اللي هايخدني معاه ...... ده جدي مات من زمان ياستي -

يا مصيبتي عبد الواحد مات .. ياحبيبي يا أخويا .. مكنش يومك ياسبعي -

ياستي ده ميت من تلتين سنة -

تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايز أذاكر بقي -

يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -

ياستي دبلون ايه .. أسمه البكالوريوس -

أنته عتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من روانا

لا اله الا الله ...... أبوس رجلك ياستي إرحميني بقه -

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حرااااااااااااا اا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهو زمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوي ياستي -

هوي لما يلطشك يابت ياجذمه أنتي -

الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها

ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي
الرجوع الى أعلى الصفحة اذهب الى الأسفل
Admin
مـــدير المنتـــــدى
مـــدير المنتـــــدى
avatar

عدد المساهمات : 825
تاريخ التسجيل : 03/04/2009

مُساهمةموضوع: رد: اوعي تقعد جنب جدتك لو عندك امتحان   الأحد 18 أكتوبر 2009, 10:59 pm

هههههههههههههههههههههههههههههههههههههههههههههه
ههههههههههههههههههههههههههههههههههههه



تحفه يا كوكو يا كنارية يا برنسيسة المنتدى وملكة الضحك ويارب ديما بعيدة عن النرفزة بجد روعه

تسلم ايدكى يا قمر ضحكتينا


عدل سابقا من قبل Admin في الأحد 25 أكتوبر 2009, 6:16 am عدل 2 مرات
الرجوع الى أعلى الصفحة اذهب الى الأسفل
http://kelma.mam9.com
كناريا
نائب المدير
نائب المدير
avatar

كيف تعرفت علينا : صديق & صديقه
نائب المدير
عدد المساهمات : 628
تاريخ التسجيل : 03/04/2009

مُساهمةموضوع: رد: اوعي تقعد جنب جدتك لو عندك امتحان   السبت 24 أكتوبر 2009, 8:23 pm

تسلملى يا بروف
الرجوع الى أعلى الصفحة اذهب الى الأسفل
 
اوعي تقعد جنب جدتك لو عندك امتحان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــــنتدى كلـــــــمة :: فرفــــــــــــــــــــش / ضحكـ / لعــب :: اضحك كركر ........ LaUgH & KaRkAr-
انتقل الى: