فضفضة من قلبى لقلوبكم وياريت تسمعونى بقلوبكم

حكايتى يا عم الحاج انى حبيبت او اعجبت بفتاة منذ فترة ووجدت نفسى اعجب واميل لها وقتا بعد الاخر وكنا على صلة طيبة ببعض صداقة ليس لها حدود ولكنها فى حدود الادب والاخوة الامهم ياجماعه اتجرأت وقلت لعا فى مكاملة تلفونية بعد ما لاقيتها هضيع منى لان والدها لكمها فى موضوع خطوبة وكده وقالت لى وقالت لى كمان انها رفضت وسألتها على السبب قالت مفيش سبب معين المهم فى الكلام حسيت اننا متفاهمين قلت لها يا فلانه لو انا اتقدمت لك ممكن توافقى عليا قالت وايه المانع وبعدين ضحكت قولتلها انا بكلم جد قالت انت بتكلم جد جد ولا بتضحك قولت لها جد قالت انت انسان جميل جدا ومفيش مانع قولت لها وفهمتها انى من زمان نفسى اكلمها فى الموضوع ده المهم اتكلمنا وهزرنا وضحكنا وبعدها بكام يوم قرت اقولها بحبك ولما قولت لها تخيلوا قالت ايه :
والله العظيم يا جماعه كلامها لسه فاكره بالحرف وكلامها فعلا عجبنى جدا وكبرها جدا فى نظرى الى مالا تتخيلوا
قالت لى :
( يا فلان انا قلت لك مفيش مانع بس كمان لازم تعرف انى مش بتاعت حب موبايلات ومقابلات فى الخفاء كده انت انسان كويس ووموافقة انى اعيش معاك لانى صعب الاقى زيك بس عاوزنى بجد تعالى البيت واطلبنى قلت لها الظروف حاليا لا تسمح بذلك قالت شوف نفسك ولما ظروفك تسمح تعالى والى لك عندى انى اقنع اهلى ووالدى بيك مهما حصل ومهما كانت العواقب المهم انت تيجى البيت واطمن من ناحيتى بس من دلوقت لحد ما تيجى البيت اختار انت عايز نتكلم زى ما كنا اخوات واصحاب موافقه انما هنكلم كتير فى الموضوع ده وتقول بحبك وعايزنى اقولهالك فبلاش احسن قلت لها حاضر) والظروف يا جماعه مكنتش والمهم سافرت فى شغل وفضلنا نكلم بعض موبايل بس فى مرة حاولت اكلمها موبايلها كان مغلق وفضل اسبوع ولما جمع الاتصال معايا قالت ليا يا فلان هاقولك على شئ بس متزعلش لانك لازم تعرفه قلت قولى قالت من اللحظة دى مينفعش تكلمنى ولا تعتبرنى الا اختك بس قلت مش اهم قالت لا انت فاهم بس صدقنى بجد مش بايدى وفعلا صدقتها لانها كانت ملاك لا بتكدب ولا تعرف الكدب ولا تزيف وفعلا هى انسانه جميلة جدا وهافضل احترمها طوال عمرى كااختى لانى مينفعش اعتبرها حاجه تانية لانها هتكون خيانة لخطيبها الحالى وانا مرضاش بكده وانا حبيت اكتب كده لانى بجد بعزها وهى غاليه جدا عليا بس الاهم انها اختى حاليا وليا الشرف فى ان تكون اختى كده يعتمد عليها تكلم مع اى حد بشخصية قوية مؤدبة باسلوب راقى لا تجرح حد ولا تسمح لحد يجرحها ومن الاخر زى ما بقولوا ميتخفش عليها وبجد هى من النهاردة اختى
واخير شكرا لاتساع صدوركم ليا