سؤال ليكم كلكم

ليه لما الوحدة تحب واحد وهو مفيش حاجة من ناحيته مش بتروح وتقوله انها بتحبه
ليه دايم انا نفسي بسأل نفسي السؤال ده وبقبول أنا لوحبيت واحد عمري ما هروح وأقوله انتوا كمان كدة ولا اية
ليه دايم الولد هوه اللي بيروح ويتكلم اللي بيحبها ويقولها انه بيحبها
طب افرضوا ان مثلا انها بتحبه أوي وهوه مش بيحبها تعمل اية بقي
مستنية ردودكم بس بسرعة
مع تحياتي لكل اعضاء المنتدي والمشرفين
RoRo

لان من العادات والتقاليد الخاطئه انهم بيقولو للبنت ( خدى واحد بيحبك مش واحد انتى بتحبيه ) وايما الولد هوه اللى بيعترف بحبه الاول اما البنت ممكن تكون بتحب الولد بس بيكون عندها برود عيزاه هوه الاول يقولها انا بحبك.....بس الموضوع ومافيه سوء فهم وعدم ادراك من ناحيه البنت

ممكن برضه
بس أنا من رأيي أن البنت تاخد اللي بيحبها مش تاخد اللي هي بتحبه لان اللي بيحبها هيقدرها اكتر ويموت فيها أكتر
بالنسبة للقول الأول أنا شخصياً من ضمن البنات لازم الولد هو اللي يعترف الأول علشان شخصيتها قدامه بعد كدة

RoRo

السلام عليكم ورحمه الله وبركاته

ازيك يا RoRo ازيك يا SaSa عاملين ايه
RoRo
بالنسبه ليه البنت مش بتصارح الولد وتقوله بحبك فده يا جماعه بيختلف من شخصيه للتانيه يعنى فى البنت الخجوله بتنكسف اوى وخاصتا يا جماعه انت البنت بتفكر لو قالت له هيفكر فيها ازاى ولا هيقول عليها ايه بس مع احترامى لده كله ومع حبى للنوعيه الخجوله دى لان البنت بطبعها لازم يكون عندها حياء اكثر من الشاب ومع ذلك فى النقطه دى انا يجد مش حخابب التفكير ده الن الحب بيتعب تخيلوا معايا لو انا حبيت وفى اى سبب منعنى انى اقول لحبيتى وفضلت احب فى سرى كده وفى وهى مش بتحبنى وفى لحظه لاقيتها ضاعت منى وارتبطت باللى بتحبه طب انا انصدم بقى واتعب واندم والبنت نفس القصه طب ليه ما اللى يحب حد يقوله ويعرف بدايته من نهايته لو هو كمان بيحبها يكملوا مع بعض لو مش بيحبها يبقى بلاش تتعب نفسها وتحب فيه وفى لحظه تلاقيه بيحب حد تانى او من غير ما تعرف تلاقى نفسها جايلها دعوة على حضور حفل الزفاف والكلام للشباب برضه مش البنات بس يارب يكون كلامى فى محلة ويكون صح وميكنش زعلكم منى وبالنسيه للنقطه التانيه يا RoRo
بصوا بقى مع احترامى الشديد لكلامكم ووجهة نظر كل واحد فيكم بس انا بقى مختلف تماما وخاصتا معاكى انت يا
لان طبعا الكلام القديم ده انك ترتبطى بواحد بيحبك مش انتى بتحبيه فده للاسف كلام عبيط اوى ومينفعش وللاسف كمان معظم الناس ماشيه بيه وبتنفذه وان مكنش من البنت نفسها بيكون من اهلها وعلى فكرة اصلا الكلام ده مش صح يعنى اسمحيلى اسالك سؤال يا انستى (لو انتى بتحبى واحد واتقدم ليكى واحد تانى هتوافقى عشان هو بيحبك ) طب وحبيبك يعمل ايه دى تبقى خيانه ولا اقولك ما علينا بالخيانة والامانه طب قوليلى هتعملى ايه بعد الارتباط الرسمى هتعيشى مع واحد مش بتحبيه ازاى اوعى تقولى زى ما ست ست ست حضرك كانت بتقول الحب هيجى بعد الزواج لا طبعا اه ممكن يحصل بس قليل جدا وغالبا مبيحصلش وبتكون حياة ممله جدا بعد الجواز وغالبا كمان مش بتستمر وبعدين عاوز اقول لحضرتك حاجه كمان ان الحب الاولانى مستحيل انه يتنسى كل الناس بتقول مفيش مستحيل اه اوك ماشى بس فى دى طبعا مستحيل جدا كمان بس هو بيتنسى او الانسان بياقلم نفسه على النسيان ويقول انه نسى ويحس بده او بجزء منه بس فى حالة واحده بس لو حس فعلا انه انجرح من حبيبه ده وقابل حد تانى اداله الحب بكل معانيه ومشاعره بكده بس ممكن يحب التانى ده ويقول على نفسه انه نسى الحب الاول وحب من جديد بس للاسف ده بيكون ظاهرى فقط او وقتى يعنى مثلا لما يجى يقعد مع نفسه ويفكر لازم بيفتكر حبيبه الاولانى لان اللى بيحب يا جماعه بيحس مع اللى بيحبه بكل شئ حلو وجميل فلما تحصل له اى حاجه حلوة عاشها قبل كده مع حبيبه القديم بيفكر فيه وبجد التفكير ده بيتعبه عمتا ** فىالنقطه التانيه ممكن تقولى انك اصلا مش هتحبى قبل الارتباط وده طبعا مستحيل عارفه ليه لان للاسف الشديد جداجداجدا ان الحب هو الشئ الوحيد اللى مش بستأذن عند دخوله من الباب قصدى دخوله القلب بيخش كده من غير لا احم ولا دستور ولما بيجيلك مش محتاج سن معين ولا وقت ولا طقوس لا والله ده كده بيفاجأ كل الناس شوفى بقى لما تبقى عادى وفى لحظه تلاقى نفسك بتحبى ازاى وليه وامتى واشمعنى ده كله بقى الله اعلم بيه
وكلمه اخيرة لازم تعرفوا يا جماعه ان بقى اللى مش بيحس بالحب فده طبعا مش طبيعى لان اكيد فى حاجه مش اللى هى خاصتا الحاجه دى ناحيه مشاعرة واحساسه وعواطفه ومش عاوز اقولها بشكل تانى عشان متبقاش وحشi
عارف انى طولت جدا عليكم بس يارب متملوش من طول ردى وكلامى واستحملونى بقى

عارفين انا نفسى اكون كده لما احب حد اقوله انا بحبه لان ممكن زى ما المدير بيقول لاء ده مش ممكن ده فعلا بيحصل الواحده او الواحد يفضل يحب يحب من غير ما يصارح الطرف التانى وفى النهايه لاقيها راحت لغيره طب ما كان من الاول لو قالها وقالته انا بحب حد تانى او خلينا اصحاب صدقونى مش هتبقى صدمه ولو هو بيفهم معنى احب صح هتكبر فى نظره ويحترمها بجد
انا انا خجوله وانكسف اقول لواحد انا بحبك بس هاحاول عشان منجرحش لان جرح الحب فعلا صعب

MoNa

اكيد لازم النت تعترف بحبها للشخص الى بتحبه بس لازم برده تتاكد من الحب ده

وبعد كدا اصرحله بحبى كل بنادم فينا ليه مشاعر واحاسيس وفى ناس بتخرجها وناس بتحبسها

بس لو حبستها هنحبسها لحد فين بس انا بفضل الحب الصامت لان محدش يعرف ايه الى هيحصل

بارك الله فيكى يا ختى وعلى سؤالك الجميل

مرسي أوي يا جروب الدنيا على اهتمام النبيل ده ورداً على الأسئلة دي ومني كمان ومصفي وكل الأعضاء الجداد اللي معا ه واللي كمان ما ذكرتش أسمهم
شكراً ليكم كلكم
وكشاركوا معايا أكتر كمان يلا شدوا حيلكم شوية أكتر من كدة عايزة أنجاز شديد فى القسم ده كل واحد عنه موضوع أو اسئلة يقولها وأحنا نشارك معاه كلنا ونحلول الأسئلة دي برضه
بشكركم جميعاً
RoRo

بجد الموضوع جميل جدا جدا جدا

سلمت يداكى اختى الكريمه

وبصراحه انا رايى من رايى المدير الكريم لانه فعلا الى يحب حد ولد او بنت لازم يقول للى بيحبه والبنت طبعا بتكون خجوله وكده بس لو حبت حب صامت هتتعب بجد وممكن الحب ده يفضل من طوف واحد ومش يكمل والانسان ده مش يكون من نصيبها وقتها بقى تعمل ايه ؟؟

مش لازم نتقيد بالعادات والتقاليد بتاعتنا دى نعمل الصح وخلاص ونفكر كويس جدا قبل ما نقرر اى حاجه فى حياتنا فى الحب او غير الحب

والحب ده اجمل حاجه فى الدنيا كلها بجد لما تحس انه معاك انسان يحبك ويخاف عليك وممكن يعمل اى حاجه عشانك بجد بتتمنى تقضى باقى عمرك مع الشخص ده بصراحه يا جماعه اجمل حاجه فى الدنيا الحب

ومش شرط الحب بين البنت والولد بس لا طبعا الحب موجود بين كل البشر

اتمنى مكنشى طولت عليكم وده رايى وشكرااااااااااااا

تقبلو مرورى

انا بقول يريت السؤال دا يتقلب

وأكيد مينفعش ان واحدة تاخد واحد بتحبه وبس

لا لازم هي كمان تكون بتحبه تعرفوا ليه

علشان بعد كدا لما يبقي فيه نصيب وكدا يعيشوا الجنة

مش جنة من طرف واحد

يبقي كدا حرام

» جاكيتات ولبس شتوى شيك ليكم
» سؤال هام لكل شاب وشابه (ارجوالدخول)