أصعب حاجة فى الدنيا ( الحب )

أصعب حاجة فى الدنيا أنك تحب بجد وتحب من كل قلبك وهو كمان يحبك أوي ويديك كل حاجة حنية وحب وحنان كل حاجة كل حاجة وتستمروا أكثر من كذا سنة وبنكم قصة حب جامدة أكتر من اي حاجة تانية وممكن فى الوقت ده نتحدي العالم ذي ما بيقوله بس صدقوني مفيش حاجة من دي بتحصل ده يعتبر كلام على الهواء ذي ما بيقوله وممكن يحصل لأن بجد جوانا حب بس ساعة لما بتحط فى موقف صعب أوي صعب أي بشر يتحملها ويتحط فيه علشان يسيب حببته اللي حبها أكتر من أى حاجة فى الدنيا دي ممكن يدافع عن الحب ده مرة وأتنين وتلاتة بس خلاص كل مرة مشاكل بتحصل أكتر من الأول والمضرور فيها هي حببته أكتر منه وهي تستحمل علشان هي بتحبه بجد ومازال بتحبه وهتفضل تحبه طول عمري لحد الموت وهو بقي لما يتحط فى موقف صعب أوي أوي ويحس بيه هيكره اليوم اللي شفها فيه ويبعد شوية بشوية وهي حاسة انه بيبعد عنها ومبقاش ذي الأول معاها أكيد هتحس بيه ومش عارفة تعمل اية وخايفة تتكلم وتقوله سيبني لأن اللي بينهم أكتر من أى حاجة وبتحبه أوي وفي عز المشاكل دي ممكن يقبلوا حد يشغله عن التاني بس طبعاً الحبيبة بتكون وفية أكتر من الحبيب يعني طول ما هي بتحب بجد عمرها ما هتبص لحد تاني مهما كان الحد ده أما هو ممكن يبص لأن خلاص الموضوع الأولاني مفيش منه فايدة ومستحيل يحصل بينهم حاجة فممكن يحب تاني

بس أنا زعلانة أوي عشان كل حاجة بنتمناها من ربنا مش بتكمل والحمد لله على كل شئ وهو ده اللي مكتوب لينا فى الدنيا دي ونحمده على كل شئ وربنا يوفقه لأن حبيبته بتحبه بجد وتتمني ليه اي حاجة عشان بتحبه بجد أما هي ربنا معاها ويريحها من العذاب اللي هي فيه وربنا يوفقها واكيد طبعاً هتلاقي اللي يحبها أكتر من اللي حبها الأول وبالذات لو هو اللي بيحبها مش هيخليها تفكر في أى حاجة أصلا لأنه بيموت فيها

ويارب يكون موضوع أثر فيكم وتعرفوا قيمة اللي أنتم بتحبه وتمسكوا بيهم أوي ومحدش يسيب التاني بسهولة
ونلتقي فى موضوع أحسن من كدة

مع تحيات

RoRo

هلا بيكى انسه(RoRo)

كلامك رائع ومتفق معك فيه تماما ولكنى احب ان اعرض عليكى رأى

مش ديما الحبيبه بتكون وفيه والحبيب بيكون غير كده بل بالعكس الللى بيحب بجدعمره ماينسه
ولا يتخلى عن حبيبه مهما كان وبرضه مع احترامى ليكى فى فتيات غير اوفياء بالمرة
احيك على دعوتك بالسعاده للحبيب لان اللى بيحب بجد عمره ما يكرة بل يتمنى السعاده والفرح دائما لمن احب
انتى بتقولى ان كل حاجه بتتمنيها من ربنا مش بتحصل وعارف انك حمدتى ربنا بعد كده بس دى مكنش تنفع تخرج
من انسانه مؤمنه ومتعلمه زيك
واخيرا احب ان اوضح لك ان الحب شئ جميل جدا بالرغم من صعوبته ومشاكله بس جميل
ومش معنا ان الحب مش بيكمل يبقى الحب وحش لاء العيب مش فى الحب العيب يا فينا يا فيهم
وفى حاجات كتير بتعمل مشاكل وحصلت معى شخصيا انتظريها منى فى نفس القسم

وكلمه اخيرة
محدش بينحرح أوى غير لما يحب أوى

وتقبلى تحياتى
Admin

بسم الله الرحمن الرحيم
اولا يا roroحضرتك لو عيزه تخدى براي
اللى راح مش لازم ينبكى عليه انتى لازم تدفنيه وراكى لان التمسك بيه هياخرك والله ومتقلبيش المواجع القلب اللى باعك راح ومش راجع واوعى تفتكرى ان هوه بيفكر فيكى زى مبتفكرى فيه....فى ناس ممكن تقولك كلميه واسالى عليه وكملى معاه.....فى نصيحه بيقولوها للبنات بيقولو ياستى خدى واح بيموت فيكى وبيحبك مش تخدى واحد بتحبيه....لو فهمانى هتفكرى 100 مره....وبعدين عندى تعقيب على كلمه قولتيه (ابس أنا زعلانة أوي عشان كل حاجة بنتمناها من ربنا مش بتكمل)
.....اى حاجه بنتمنااها وبنسعى عليها ربنا بيحققهلنا....لكن لو ربنا شايف انها حاجه هتضرنا يبقى مش هيمشيهلنا ....بس ربنا ممكن يخلينا نكملها علشان نتعلم منها حاجه...واكيد انتى اتعلمتى...معلش ممكن اكون طولت عليكى بس يارب اكون افدت .......وشكرااا

...................................sasa...............

بسم الله الرحمن الرحيم
السلام عليكم ورحمه الله وبركاته
اولا احب راحب بيكى يا RoRo
لانى مكنتش موجود بقالى مده فى المنتدى لظروف خاصه
ثانيا : اللى لفت انتباهى فى موضوعك حاجه واحدة ولازم اقولك عليها
انك جميله جدا سورى مش مغازله والله بس السيي هو انك بتدعى لحبيبك
وده بجد شئ جميل فعلا ومش اى حد بيعمل كده الا اللى بيحب بجد وانتى
واجمل شئ الحب بجد حتى لو مكملش المهم الاحساس اللى حستيه وحتى لو هو
اللى مقدرش يكمل انتى عملتى اللى عليكى ومكذبتيش عليه ولا خدعته لا دا من كلامك
كمان واضح انك بتموتى فيه واسف لو كلامى ضايق حضرتك
والى اللقاء فى موضوع اخر من موضوعاتك

الكلام كله واحد ووالعضو المحترم ميدو المصرى
ومديرنا كمان بيتكلموا صح بس انا حابب اضيف شئ متقسيش عليه
الله اعلم هو اعنده ايه ولا ايه الظروف اللى منعته عنك الله اعلم
وانا مش بدافع عنه والله عشان هو شاب مثلا
وحضرتك فاهمه اكيد اصل فى بنات لو لقت واحد يتكلم عن واحد كده
تقول اه ما هو عشان شاب زيكم ما انتم كلكم كده بس من اسلوبك انا متاكد ان اللى حصل
واللى انا معرفهوش غصب عنه وزى ما قولتلك قبل كده اللى ليه نصيب فى شئ
مش ممكن حد يقدر يمنعه عنه
وشكرا لك اخى على صراحتك وتاكدى انك اتيتى القسم الصح فى المنتدى الصح
ونتمى للمنتدى المزيد من الاعضاء والمزيد من الابدعات

شكراً ليكم أوي على كلامكم الجميل ده وكمان كلامكم كله صح بجد الظروف عنده زي الزفت وصعبة جداً كمان وأنا كمان ظروفي عندي صعبة برضه وفى الأخر دي قسمة ونصيب والله المهم أنا فرحانة علشان قدرت أوصلكم المعني اللي جوايا بجد وأنتم أكتر الناس اللي فهمتوني بجد
شكراً ليكم أوي أوي أوي أوي أوي
وإلي اللقاء فى موضوع أحسن من كدة
RoRo

وعلى قد ما الحب اصعب حاجه بس
بصراحه هو برضه اجمل حاجه

» أصعب حاجة لما تضحى عشان تسعد غيرك وقلبك مكسور
» تعالوا نشوف ايه هو الحب ومعنى الحب وماذا اقلوا عن الحب
» على قد ما الحب جميل & على قد ما الحب متعب للغاية
» اسباب فشل الحب (2) ومش الحب بس لا والحياة كمان
» ما أصعب هذه الكلمات وما اصعب معانيها ؛؛؛؛؛؛؛؛؛؛؛؛؛